PizzaExpress (已結業)

話說夜晚同朋友係又一城睇完戲心血來潮想食PIZZA, 就排隊食PIZZA EXPRESS。之前食過幾次都覺得其實真係唔錯, 但如果7PM後食就真心排死人。咁不出所料真係排到喊出黎, 大約35分鐘啦。咁食物方面尼就叫左個煙肉美國薄餅, 煙肉唔算鹹, 芝士味岩岩好, 但餅底一般般, 口感亦都只係不過不失。另外重有橄欖油香辣意粉, 尼個意粉係零配料, 所以真係好考功夫同埋真係要對味道好有自信先夠膽拎出黎賣。不出所料, 真係唔錯, 雖然意粉比較難入味但都好香, 食入口又唔係話好油, 贊。迷迭香脆包就係類似印度薄餅咁既野, 香香脆脆咁, 不失蒜蓉包。最後講下個意式布斯卡達包, 上面我諗大概主要係蕃茄, 芝士, 蒜蓉, 材料雖然簡單, 但味道卻出奇地好, 真係好值得推介。