影片
更多
2020-06-19
906 瀏覽
我同女友入住左Regal, 專誠嚟佢嘅中餐Regal Palace品嚐一下得獎殊榮名菜，最後失望收場。酒店價格，菜式普通，酒樓水準，服務一般。接待從客房電梯黎到他們既副入口，居然冇人理我地，亦都冇人接待。係我女朋友主動叫服務員過嚟，跟住同佢講話我哋book咗今晚八點，當時其實已經8:05，個服務員淡淡然回了一句，哦你哋等等先啦，跟住走鬼左去然後就冇再返嚟，又唔講去執枱定點，要我地白企。之後搵左第二位服務員，同佢覆述情況佢安排左我哋坐低，之後先講話原來佢同事幫我地執緊張窗邊二人台，喂大佬好心你講聲啊菜式我哋主要睇中咗佢得獎嘅菜單，只係得四道菜如下，叫咗三道，另外要左個鮑魚拼冬菇。1. 金湯珍珠香茜魚蓉羹一上到黎已經滴汗，得獎湯羹居然漏晒嘢咁款，唔係呀嘛。個湯特別之處在於嗰啲圓粒粒豆腐，話係手工野，口感lum都冇咩口感，啲魚蓉又腥腥地，啲菇粒還可以。整體只覺得好油好肥，特別啲嘅蛋花湯，去飲手工啤仲開心啲飲左兩淡湯，已經上菜(趕到呢..)2. 金獎茶皇熏雞隻雞好似炸子雞，咁快整好，端出嚟仲要膠蓋cup住，令人不禁聯想到微波爐。不過係熱同脆皮既，只係想飲多兩淡湯都怕隻雞凍左。隻雞味道ok，熏得
接待
從客房電梯黎到他們既副入口，居然冇人理我地，亦都冇人接待。係我女朋友主動叫服務員過嚟，跟住同佢講話我哋book咗今晚八點，當時其實已經8:05，個服務員淡淡然回了一句，哦你哋等等先啦，跟住走鬼左去然後就冇再返嚟，又唔講去執枱定點，要我地白企。之後搵左第二位服務員，同佢覆述情況佢安排左我哋坐低，之後先講話原來佢同事幫我地執緊張窗邊二人台，喂大佬好心你講聲啊
菜式
我哋主要睇中咗佢得獎嘅菜單，只係得四道菜如下，叫咗三道，另外要左個鮑魚拼冬菇。
1. 金湯珍珠香茜魚蓉羹
一上到黎已經滴汗，得獎湯羹居然漏晒嘢咁款，唔係呀嘛。個湯特別之處在於嗰啲圓粒粒豆腐，話係手工野，口感lum都冇咩口感，啲魚蓉又腥腥地，啲菇粒還可以。整體只覺得好油好肥，特別啲嘅蛋花湯，去飲手工啤仲開心啲
飲左兩淡湯，已經上菜(趕到呢..)
2. 金獎茶皇熏雞
隻雞好似炸子雞，咁快整好，端出嚟仲要膠蓋cup住，令人不禁聯想到微波爐。不過係熱同脆皮既，只係想飲多兩淡湯都怕隻雞凍左。隻雞味道ok，熏得夠香味。啲雞皮同肥膏口感都不錯，要趁熱食。不過啲雞肉就比較佬，同埋鞋，無乜肉汁。賣相擺盤都比較普通，真係唔似酒店菜。
食左幾舊雞，佢地已經急不及待一口氣上埋最後兩道菜，可能趕住收工掛。
3. 六頭鮑魚扣冬菇 ($238位)
(For ref. 6頭鮑魚扣鵝掌$298; 6頭鮑魚扣花膠$398; 30頭吉品鮑魚扣鵝掌$538)
一見到以為咁好死上錯隻30頭吉品鮑比我地，隻鮑細到呢。食落真心一般，比較韌，仲要把刀又鈍喎，好難切。似係平時酒樓推介個啲$100鮑。啲冬菇同菜就冇話咩好唔好食啦，都係正常配菜水準。
兩人齊心協力，一邊上鮑魚一邊上埋最後一道菜。收爐喇！
4. 富貴櫻花蝦蛋白炒飯
賣相ok既，啲櫻花蝦睇落比較似碎蝦干。個飯炒得唔錯，係整體鹹咗少少。佢比較特別係用咗青豆，本身覺得佢cheap，不過其實係令到個喊道同口感好啲，同埋唔係用雪藏豆既。不過啲櫻花蝦干就冇咩特別，唔講都唔知係櫻花蝦咁名貴，不過加埋瑤柱炒，整體都算係唯一不錯既。
食到最後打包左半碟飯走。因為啲野上到快餐咁，真係令胃口減低不少。唔知真係以為去咗酒樓定茶餐廳...
總結
最後埋單連茶錢$1445，講真唔平，啲嘢都比較普通，水準又唔係特別好，真係唔係好值依個價。
餐廳裝修唔錯，係感覺豪華金煇閃閃既。不過人手令人感覺唔夠，叫服務員都要舉手大叫幾次。不過有一位服務員，招呼都算殷勤，埋單都同我吹左陣水，透露其實廚師都換左幾次，所以無左米知蓮等級都知咩事，簽單都比低$20tips 為表尊重。
張貼
