La Postre (荃灣廣場) (已結業)

近排唔想煮飯，到最後去左荃灣廣場睇下有咩食，比我地發現荃灣廣場轉左好多舖頭，可能我地真係好耐冇去過喇，所以我地都唔知轉左咁多舖頭了。之後選擇了這間西班牙野。【Sangria (Red)】最愛西班牙紅酒，加入大量新鮮生果增加果香，味道清香順喉，酒味香甜。【青檸香辣凍蜆】蜆肉鮮嫩多汁，配上青檸辣椒調配的醬汁，有點泰式酸辣風味，開胃又消暑，味道非常有驚喜，令人一食愛上。值得推介。【西班牙豬手】需要大約45分鐘時間製作，但真的非常欣賞，加入大量切碎蔬果，再將烤焗好的豬手切碎拌入，淋上自家秘製沙律醬汁，味道清新又惹味，豬手外皮香脆，肉質鮮嫩，而蔬果清脆爽甜，再加上少少蜜糖進食，別有一番風味。【抹茶麻薯窩夫】窩夫中間內藏抹茶麻薯，食落外脆內軟，多了一份軟糯口感，窩夫配上抹茶雪糕，抹茶醬，紅豆蓉等等，抹茶配紅豆最夾，味道甘甜可口。