影片
更多
2021-08-30
101 瀏覽
好多人黎The Captain’s House 通常都會叫海鮮袋幾年前，年輕個陣我都係咁😂不過人大左，就覺得呢個海鮮袋性價比唔係咁高，所以我地今次選擇試下佢其他野食。今餐食完之後就發現，餐廳既賣點其實唔係海鮮，而係佢調制既sauce，佢地今餐整既四款菜都好好味。首先要介紹下佢既小食先，我地叫左兩個小食。第一樣係鮮牛油果蟹肉沙律，一般好多人就會叫路易斯安那式蟹餅，但我地個蟹肉沙律相信就比蟹餅fresh好多啦，因為佢底層係番茄，中層係牛油果，面層係蟹肉，伴碟就有少少黑醋，三層一齊食就會食到少少酸味，好開胃，同埋light d，無蟹餅咁熱氣。另外我地叫左黃金焗生蠔🦪，咁首先最搶既係生蠔自身發出濃郁既蠔味，餐廳本身都有唔同款既生蠔賣，咁我相信呢個焗蠔不輸自選生蠔（$40x-$5x)，而且再計埋加工，三隻先$137，所以性價比都唔錯的，同埋蠔本身都焗得幾juicy，食完成隻蠔都仲帶有少許水份係個殼到，同埋佢既調味同醬料都做得唔錯。其實最先上左菜既係個主菜，海膽忌廉汁蟹子扁意粉，呢個菜其實好搶味，唔係好建議咁早就上菜，因為呢個意粉真係好夠濃味，好rich，首先意粉上面有三四粒海膽係到，咁海膽完全唔
幾年前，年輕個陣我都係咁😂
不過人大左，就覺得呢個海鮮袋性價比唔係咁高，所以我地今次選擇試下佢其他野食。
今餐食完之後就發現，餐廳既賣點其實唔係海鮮，而係佢調制既sauce，佢地今餐整既四款菜都好好味。
首先要介紹下佢既小食先，我地叫左兩個小食。
第一樣係鮮牛油果蟹肉沙律，一般好多人就會叫路易斯安那式蟹餅，但我地個蟹肉沙律相信就比蟹餅fresh好多啦，因為佢底層係番茄，中層係牛油果，面層係蟹肉，伴碟就有少少黑醋，三層一齊食就會食到少少酸味，好開胃，同埋light d，無蟹餅咁熱氣。
鮮牛油果蟹肉沙律
1 瀏覽
1 讚好
0 留言
另外我地叫左黃金焗生蠔🦪，咁首先最搶既係生蠔自身發出濃郁既蠔味，餐廳本身都有唔同款既生蠔賣，咁我相信呢個焗蠔不輸自選生蠔（$40x-$5x)，而且再計埋加工，三隻先$137，所以性價比都唔錯的，同埋蠔本身都焗得幾juicy，食完成隻蠔都仲帶有少許水份係個殼到，同埋佢既調味同醬料都做得唔錯。
黃金焗生蠔
3 瀏覽
0 讚好
0 留言
其實最先上左菜既係個主菜，海膽忌廉汁蟹子扁意粉，呢個菜其實好搶味，唔係好建議咁早就上菜，因為呢個意粉真係好夠濃味，好rich，首先意粉上面有三四粒海膽係到，咁海膽完全唔帶有苦味，海膽味好濃郁，食落都係好滿足，而意粉本身都煮得好厚身，唔好以為忌廉無乜味，係呢個意粉到我就食到好明顯既忌廉味，呢個意粉論貌相同味道都好高分。
海膽忌廉汁蟹子扁意粉
2 瀏覽
0 讚好
0 留言
最後我地仲叫左個扒海鮮配蒜蓉包，呢個都好好味，而且只係$128就已經有幾款海鮮可以試下，當中包括左兩隻扇貝，佢個sauce係番茄醬，入面配有薯蓉同蒜蓉包，如果你將番茄醬配薯蓉食落會覺得好舒服，但如果係配蒜蓉包又會食得出好明顯既番茄酸味，而蒜蓉包又唔會整到好硬身咁熱氣，相對比較軟熟，整體都係好好食。佢唯一缺點就係小龍蝦，雖然小龍蝦貌相靚，但入面少肉同埋蝦頭比較污糟，所以我地食左一隻，另一隻小龍蝦就放棄左啦😂
扒海鮮配蒜蓉包
5 瀏覽
0 讚好
0 留言
最後海鮮真係一樣比較貴既食物，所以我地選擇左性價比比較高既款式黎試下😉
張貼
