赤丸海鮮丼 (已結業)

約去人咗上環地鐵站交收，見交收完都已經差唔多一點，不如就喺上環附近食埋嘢先，目標係蘇杭街，印象中蘇杭街有好多好嘢食。行到去其中一個轉角位，見有間日本嘢，望吓入耐仲有空位，ok唔須要等位，再睇睇menu覺得價錢ok，入得。因為已經知道自己想食咩，一入去坐低就叫咗佢個「呑拿魚兄弟便當」。喺等緊嘢食期間開吓OpenRice睇睇其他人嘅食評，點知見到最近嘅都係負評，心諗大鑊，唔通真係咁差？我個便當大概5分鐘左右有得食，食咗啖我又覺得唔錯喎，冇其他食評講到咁難食。跟餐仲有個沙律同味噌湯，兩樣都中規中矩。總結一下，70蚊有找可以食到ok嘅魚生飯，我覺其實唔錯，比想像中好。