丼丼屋 (已結業)

本來想去pizza hut食luntea (lunch+tea )，但強國人太多，都係打消左個念頭lu...咁就周圍行睇吓有咩好食啦﹗經過呢間丼丼屋，見無咩人，又未試過，又肚餓，咁就入左去喇...其實之前都經過幾次架喇，不過唔知點解次次都無咩癮想入去試吓... 可能佢裝修太唔起眼啦~入到去睇吓個餐牌，原來係一間主打吉列、咖哩嘅日式店舖，成間舖都好香咖哩味，本來諗住叫咖哩吉列蠔飯，不過見佢得3隻蠔，2個人share唔到，咁就改叫吉列蠔定食，因為有4隻蠔，呵呵﹗唔配咖哩，呢個吉列蠔就配生蘑芝麻+豬柳汁，蠔真係用廣東蠔，中型size，都幾juicy，吉列亦都炸得啱啱好，好香口，好脆﹗牛肉烏冬就一般啦﹗不過佢用上大量日本大蔥，值得一讚﹗呢個原價$38，不過叫左餐牌上其他嘢，就加$25就有喇，作為飯後甜品，真係幾好，令到呢一餐有個完滿嘅句號。由於我地share食，所以就算個吉列蠔要成15-20分鐘先上到，都唔怕可以食住個烏冬先，炸嘢，梗係要即炸即食架ma~好多時都覺得，日本餐廳寧願個餐牌賣少d嘢，但就做得專門d，咁樣其實仲好﹗