鳥羽名古屋料理 (已結業)

上星期約咗舊同事食飯。難得可以約到，想搵一個坐得舒服啲、可以傾耐啲計嘅地方，同事就揀咗呢度。入到去氣氛好好。打開餐牌見佢哋嘅其中主打係鰻魚飯，點都要叫來一試。我可以話係香港未試過咁好味嘅鰻魚飯！ 呢碗鰻魚飯同我喺名古屋試過嘅真係差唔多！佢仲可以（1）淨係咁食或者(2)加埋配菜又或者（3）變成茶漬飯！一個價錢三個食法，好物超所值。除咗鰻魚飯之外我哋仲叫咗個軟殼蟹卷。都一樣唔錯。兩個人兩個菜，已經好夠飽。呢個晚餐好滿足！