稻香訓練酒樓 (已結業) 查看

呢間稻香訓練酒家，點心原來幾多款色，服務又幾好，侍應們態度算親切，整體水準都滿意。最喜歡呢個客家炒腸粉，其他酒樓通常都會食xo醬炒腸粉，呢間就有呢款「客家炒腸粉」，腸粉夠滑，老抽味濃，本人喜愛老抽，所以十分啱口味，還有椰菜一齊炒，椰菜清甜有菜味。「蝦餃」，「燒賣」都好味，一籠一粒。蝦餃隻蝦大大粒夠爽口，調味適中，蝦餃皮很軟滑。燒賣蝦肉都爽口，豬肉也夠口感，不會太肥，無咩肥豬肉。「炸豆腐粒」夠乾身，处層脆口，內裏豆腐夠滑，鹽味足夠，而且好夠熱。「排骨陳村粉」排骨好入味，尤其豆豉味好夠，所以滲入去啲陳村粉當中，啲粉都好夠豆豉汁。「例牌义燒」嗰樣其實唔係幾吸引，睇落好似好硬，但食落口原來幾諗，蜜味又足夠，算係幾唔錯嘅义燒。「燒鵝」有火熱住，所以一路食都夠熱。皮都好夠脆，肉質夠鮮，算得有水準。