影片
更多
2015-11-02
718 瀏覽
近排喺Facebook見有朋友Post左個五官端正嘅比卡超飯上黎，原來係「沙嗲王」Crossover比卡超推出一系列主題食物同飲品！話哂以前都有煲開比卡超，一於就去棒下場。見到個餐單，第一眼望到嘅就係個個最矚目嘅比卡超大頭飯啦，都係為左佢而黎，二話不說就叫左個。要留意嘅係，除左個飯之外，仲跟個咖喱汁。個咖喱汁就有紅、綠、藍三隻色俾你簡，問左侍應，其實三色味道同經典嘅白咖喱味道一樣。但你問小編呢，小妹就覺得三隻色都同個飯唔太match啦，尤其係勁似漱口水look嘅藍色！不過眼看四方，見到最多人簡嘅又竟然係藍色喎！正所謂勇者無懼，唉唔＿驚頂硬上！個飯嚟到，第一眼望落，砌得又真係幾精緻喎。黃薑飯做主體，兩隻耳仔同個鼻就用黑糯米做陪襯，眼同口就用可食用類似紙質嘅材料鋪上去，再加兩片小蕃茄一左一右作為比卡超嘅紅色酒粒，加加埋埋個樣都有八九成似啦！（但上面就鋪左啲唔太入局嘅沙律菜，影響左成個觀感，減少少分，其實應該分開上）。食落口，炒飯食得出粒粒分明、煙韌同偏硬身，炒得有番咁上下鑊氣，飯嚟講係唔錯。而飯嘅裡面其實係包著左幾舊炸豬扒，不過唔知係咪因為比飯包著嘅關係，感覺有啲「冧」左，食落口冇咗酥炸嘅
見到個餐單，第一眼望到嘅就係個個最矚目嘅比卡超大頭飯啦，都係為左佢而黎，二話不說就叫左個。要留意嘅係，除左個飯之外，仲跟個咖喱汁。個咖喱汁就有紅、綠、藍三隻色俾你簡，問左侍應，其實三色味道同經典嘅白咖喱味道一樣。但你問小編呢，小妹就覺得三隻色都同個飯唔太match啦，尤其係勁似漱口水look嘅藍色！不過眼看四方，見到最多人簡嘅又竟然係藍色喎！正所謂勇者無懼，唉唔＿驚頂硬上！
個飯嚟到，第一眼望落，砌得又真係幾精緻喎。黃薑飯做主體，兩隻耳仔同個鼻就用黑糯米做陪襯，眼同口就用可食用類似紙質嘅材料鋪上去，再加兩片小蕃茄一左一右作為比卡超嘅紅色酒粒，加加埋埋個樣都有八九成似啦！（但上面就鋪左啲唔太入局嘅沙律菜，影響左成個觀感，減少少分，其實應該分開上）。
食落口，炒飯食得出粒粒分明、煙韌同偏硬身，炒得有番咁上下鑊氣，飯嚟講係唔錯。而飯嘅裡面其實係包著左幾舊炸豬扒，不過唔知係咪因為比飯包著嘅關係，感覺有啲「冧」左，食落口冇咗酥炸嘅感覺！反而壓軸主角藍色咖喱汁，味道比白咖喱更勝一籌，食得出有點甜味同奶味，反而「釣」起咗成個飯嘅味道，不過倒喺個飯度，賣相就真係唔討好啦，唯獨是用啲汁將個飯惡搞，發揮創意，幫比卡超「整色整水」，別有一番「風味」！
張貼
