潮樓 (已結業)

幾年冇返過香港嘅細佬早前返嚟渡假，期間帶佢試過兩間市區嘅潮樓同潮館，佢都好鍾意，於是送機嗰晚都選擇食潮樓。一坐低先發覺menu有好少少唔同，價錢就最唔同，雖然都係三免，不過樣樣都比市區嘅潮樓潮館貴一成度(我諗有啲唔止一成)。四個人叫咗:1. 鹵水拼盤- standard味道，同其他潮樓一樣，都唔錯。2. 川椒雞- 細佬至愛，不過呢間機場潮樓整得最差，冇鑊氣，又油，啲雞又碎。3. 金華四寶蔬- 潮樓推介，清清地，都幾唔錯。4. 招牌炒飯(定係叫潮州炒飯?) - 唔夠爽口，濕咗啲，而且碟頭好細，呢碟飯同市區嘅size差好遠。5. 豉油皇大蝦- 我冇食，不過家人話好味。6. 炒麵線- 呢碟係因為其他dish鈿碟而後加嘅，不過唔知點解碟麵又好大碟...又好好味。7. 甜品炸油粿- 又係standard味道，好味!係我至愛嘅潮樓甜品。 總括講，碟頭細過市區嘅，味道差過市區嘅(多數餸上枱時都唔似有鑊氣)，不過價錢就貴啲，下次都係喺青衣城嗰間食咗先入機場好。