韓雅林 (已易手) 新餐廳

原本想同friend去試莊園，但係莊園星期日午市冇特價，結果都係去番韓雅林。點知唔係8折找數，而係將午市menu嘅各款菜式變做$48嘅套餐，重平！由於唔想重複上次食過嘅嘢，所以今次冇叫牛肋骨，而係叫咗辣炒石頭飯、牛肉粉絲煲同薯仔豬骨湯，3個人share嚟食。3樣嘢都OK，不過係冇上次食嘅牛肋骨同傳統石頭飯咁正，而個豬骨湯相當辣。餐後送雪糕或飲品，我試咗韓式甜酒(侍應話係冇酒精嘅，只係加咗米釀的糖水)，幾特別，不過麻麻地。埋單$158，食到好飽，重坐咗將近兩個半鐘，十分抵！