上座 (已結業)

$58午餐，一至日有不同選擇，每日七款，跟湯同熱飲，有中湯同西湯，西湯係羅宋湯，都幾足料，有西芹、蕃茄、牛肉，牛味都幾重，今日試左佢個燒汁雞扒配太陽蛋飯，雞扒好大塊，味道肉質都ok，塊皮都有少少脆口，蛋正常，燒汁偏咸，整體都不錯。同事食焗牛脷飯，有四塊，配菜蕃茄等都好足料。座位都算寬闊，服務好好，話冷氣好凍，即時有反應，幫手關左，追單又快速回應。收款沒有八達通，只接受現金、支付寶、wechat、信用卡。