味竹燒肉店 (已結業)

尋晚(2008年4月20日)掛緊3號風球, 最啱搵埋D朋友食下飯吹下水... 目標就係舊年7月剛開業, 當時唔係好掂嘅日式燒肉店, 今次比個機會佢平反... .前菜--免費?! 咁大隻蛤蟆隨街跳?!.鹽燒厚切牛舌--都好彈牙下, 不過本身冇咩味!.黑椒蒜鹽雞胸軟骨--幾特別吖, 外面通常係淨雞軟骨, 呢樹有埋雞胸肉! (冇咩味again).香草牛油蕃茄--健康之選.北海道松葉蟹石鍋飯--好咸, 唔知係咪D蟹嘅海水味呢?!.特選厚切美國頂肉眼--入口好淋身, 好味!.魷魚--原隻燒都係第一次, 一路燒一路好香魷魚味, 配埋朝日啤酒仲會好味好多添... 唸起以前舊式戲院門口買燒魷魚咁, 即買即剪... 好搞笑.... 柚子雪葩--食完燒烤, 緊要食番個雪葩清一清個種飽飽滯滯嘅感覺, 食完仲好涼快...抽風系統非常強勁, 對眼一D都唔覺得刧, 抵讚!!! 食物嘅質數就幾好, 都值得一食嘅, 不過在座4個有3個鐘意哈魯邦多D, 佢都應該比多D心機落D食物嘅味道上面... 相片:http://hk.myblog.yahoo.com/ken-merry/article?mid=1692