影片
更多
2023-07-07
39 瀏覽
餐廳：漫花燈火OMG (土瓜灣)地址：土瓜灣九龍城道68號瑧尚U PLACE2樓201號舖2019年位於大角咀嘅打卡西餐廳——漫花燈火OMG@omghongkong ，開業接近一年因為酒店翻新同被收購嘅原因而暫停營業，而喺2022年佢哋喺土瓜灣重新以更靚更吸引嘅裝修同大家見面😍穿過夢幻粉紅色大門，走入漫花燈火之中，行過長長嘅萬花筒隧道，見到用咗充滿色彩、光影同鏡面嘅裝修設計打造成五光十色🌈、令人仿似置身喺童話世界嘅空間裡面，就算生活有咩煩惱都霎時間拋開晒😌。七彩糖果梳發牆、過百樽裝滿五顏六色彩虹珠嘅玻璃樽、懸掛喺天花嘅花海💐、鏡中鏡🪞……唔知你又有無一種「嘩！」一聲嘅感覺同體驗呢🤩✝️自家製鰹魚南瓜濃湯配特式法國奶油甜包 $68濃郁嘅南瓜湯食到有南瓜蓉喺當中🎃，仲帶有陣陣鰹魚鮮香，用外脆內軟嘅法國奶油甜包蘸落湯到一齊食就多一種截然不同又有驚喜嘅食法🎉✝️自家製酥皮黑魚籽牛油果煙三文魚水牛芝士波波他他 $168雖然份量細但相當精緻🤓，圓形立體嘅超鬆脆千層酥皮圈中間放咗牛油果蓉🥑、醃製過嘅木瓜粒同煙三文魚三層他他，另外有一粒水牛芝士喺頂層，成個酥皮嘅上面仲有黑魚籽同金箔，加上外圍芳香嘅洛神花士
地址：土瓜灣九龍城道68號瑧尚U PLACE2樓201號舖
2019年位於大角咀嘅打卡西餐廳——漫花燈火OMG
@omghongkong ，開業接近一年因為酒店翻新同被收購嘅原因而暫停營業，而喺2022年佢哋喺土瓜灣重新以更靚更吸引嘅裝修同大家見面😍
穿過夢幻粉紅色大門，走入漫花燈火之中，行過長長嘅萬花筒隧道，
見到用咗充滿色彩、光影同鏡面嘅裝修設計打造成五光十色🌈、令人仿似置身喺童話世界嘅空間裡面，就算生活有咩煩惱都霎時間拋開晒😌。
七彩糖果梳發牆、過百樽裝滿五顏六色彩虹珠嘅玻璃樽、懸掛喺天花嘅花海💐、鏡中鏡🪞……
唔知你又有無一種「嘩！」一聲嘅感覺同體驗呢🤩
✝️自家製鰹魚南瓜濃湯配特式法國奶油甜包 $68
濃郁嘅南瓜湯食到有南瓜蓉喺當中🎃，仲帶有陣陣鰹魚鮮香，用外脆內軟嘅法國奶油甜包蘸落湯到一齊食就多一種截然不同又有驚喜嘅食法🎉
✝️自家製酥皮黑魚籽牛油果煙三文魚水牛芝士波波他他 $168
雖然份量細但相當精緻🤓，圓形立體嘅超鬆脆千層酥皮圈中間放咗牛油果蓉🥑、醃製過嘅木瓜粒同煙三文魚三層他他，另外有一粒水牛芝士喺頂層，成個酥皮嘅上面仲有黑魚籽同金箔，加上外圍芳香嘅洛神花士多啤梨醬一齊食，多重鮮味帶嚟十足十足享受，打卡一流📸
✝️有機開心果法式慢煮寶雲酥澳洲羊架伴脆薯條 $348
先將羊架用蒜油、百里香等調味料秘製🌱，再用慢火慢煮🔥，
確保羊架幼嫩軟腍，肉質新鮮又鎖緊肉汁💦，面頭再加上法式芥末、開心果碎同麵包糠酥炸成寶雲酥香脆面，好食到無得彈👏，羊肉羶香啱啱好，不過如果羊架再大塊啲就好🤪。碟上仲有份量勁多嘅脆炸薯條同沙律菜🥗，咁多澱粉食完都幾飽😎
✝️潘朵拉的盒子 - 延續 $168
餐廳嘅限量皇牌甜品，用咗藝術糖Isomalt整成粉紅色星空潘朵拉罩💖，用金錘仔輕輕敲碎，就見到自家烘焙印有笑哈哈😄、入口鬆化香脆嘅竹炭撻盒，
用刀切開湧流出流心青色同粉紫色忌廉，當中仲有黑芝麻Mousse同迷你麻糬粒粒，雖然個人覺得味道一般，但層次感、視覺同玩味享受喺值滿分💯
✝️5層朱古力國度 $72
濃香嘅朱古力沙冰特飲，飲落既唔會太苦又唔會太甜🍫，濃郁朱古力香味配上沙冰口感最適合依家熱辣辣嘅天氣☀️，面頭加咗厚厚忌廉、棉花糖粒粒、朱古力碎同可可粉，多重滋味帶你進入朱古力嘅國度當中😏
張貼
