滿屋日本料理 (大鴻輝(荃灣)中心) (已結業)

魚生光澤肥厚、新鮮度高。同時，厚切係比較有口感。咁多款壽司之中，花之戀賣相比較靚，而且加左沙律醬，能增胃口，開始大吃大喝前食就最啱。小食之中，海帶的痳油及螺肉的辣，雖然唔矜貴，我每次都會食少少，簡單但好味。飽滿的串燒中蝦，外殼乾身，但蝦肉不乾，還帶點彈性，而且肉跟殼不會黏埋一齊。燒牛舌都好正，咬落去幾爽口的。焗扇貝sIze唔算大，但都幾飽肚，可以是有薯粉的關係。燒羊架的肉與骨之間有層油脂，羊肉味好重，好吸引。現場有爆谷機及棉花糖機俾食客過下「手隱」，試下自己的「手勢」。放題包埋飲品，選擇超過二十款，算係多款式。