漁小館

營業中

休息中

四人飯聚，想食中菜嘅朋友話食開呢間嘅大角咀分店覺得質素唔錯，發覺深水埗都有分店，環境比一般小菜館乾淨企理，於是大家就去試一試。整體感覺還好但小菜每款水準不一，要碰碰運氣。鹹蛋黃金金沙骨鹹蛋黃夠香但又唔會太乾，夠哂惹味😋。蟲草花花膠燉雞都幾足料，真係有花膠同蟲草花，係幾好飲但都幾重味精吓。香草沙拉汁蝦球實在太過多沙律醬了，只感受到滿口醬汁，感覺很膩，要撥走醬汁先食得落😅。蒜蓉粉絲蒸蟶子皇蒸嘅火候岩岩好，蟶子夠新鮮，配菜雲耳吸收哂蟶子嘅鮮味，正!漁館脆皮雞好錯嘅一碟...上菜時朋友發現件雞肉都有血色似煮唔夠熟，於是請侍應拿回廚房處理，再上枱發現係求其烚熟，脆皮雞慘變烚雞😫，無奈之極。