SuperNormal (淘大商場2期)

營業中

休息中

間中黎附近donki入貨都會幫襯下，係呢區西餐信心之選。麥啤浸柚子德國脆皮豬手已經食過好多次，估唔到仲有驚豔感覺，再次俾個柚子香味感動到，大大啖肉得黎有一絲清新。 豬手本身好入味唔會太咸，脆皮酥脆唔會硬，配蜜糖芥末醬好夾。蒜片紅椒藍蟹肉鮮蝦扁意粉係典型嘅蒜香橄欖油意粉，比較清淡，突出左蟹肉嘅香甜，配料多到滿瀉好足料。鵝肝安格斯牛肉漢堡無期望之下鵝肝味道好出，幼滑厚切，香濃到幫牛肉漢堡扒加左分，呢個價位黎講物超所值。 鐘意個包烘到好脆熱辣辣，漢堡扒有肉汁。