興隆泰國美食

每次去親九龍城就一定會食既泰國菜，有時仲要為左食佢，專登入九龍城，吸引力大到呢

耐唔耐就心思思想食泰國菜，但奈何唔係間間都岩心水，而興隆就係食咁多次，都覺得好好食既一間，每次必叫既生蝦，雖然份量比初初食既時候少左啲啲，不過都無阻我對佢既喜愛，點生蝦既汁更令我越食越想食！

泰式燒肉炒椰菜苗同香葉肉碎炒飯又係必食之選，總覺得其他地方既味道始終係爭小小，成日都覺得興隆既係好食啲，今次仲食左串燒同椰汁雞湯，串燒就雞肉會比較好食，點埋個醬，簡直一流。而椰汁雞湯就帶有類似冬蔭公既酸味，都唔錯既，不過我就鍾意飲冬蔭公多啲。