紅茶冰室 (已結業)

終於有人陪我去排隊食呢間每次都好長龍既紅茶冰室，一直都好好奇點解每日到中午時段都會有幾十人排，今日一探究竟！揀左呢個夏威夷烤豬扒配飯，飲熱檸水，埋單$50。說實在的，眾多餐點中揀左呢個一啲都冇後悔，一上檯俾佢又多肉又多菜嚇到。汁煮得少酸少甜幾好味，豬扒肉質都適中，唔會硬同韌。略嫌唔夠多汁，撈飯唔夠食！另外白飯都係煮得幾好冇太熟。呢個價錢絕對抵食，不過就唔好期望會有優質服務😂，快黎快去光速餐有呢個質素係值既。