西樹泡芙有多間不同分店，其實每一次路過都會想買返一個泡芙食，因為泡芙口味又多，而且每一款都好好味，大人小朋友都會喜歡。
今日行經尖沙咀地鐵站內的商店，又被這間的泡芙吸引了。忍唔住又買了三款泡芙。
店員會好細心把泡芙放到外賣盒內，而且還會附送冰包，所以可以保冷不用擔心。
今次選了芒果乳酪味，呢款是我的至愛，大大粒又香又甜的芒果粒粒，配上了芒果味的乳酪，濃濃的芒果香氣，芒果迷必食呢。泡芙外皮做得又脆身，口感好好。
另一款是朱古力三重奏，濃郁的朱古力，試問又點可抵擋，泡芙都是朱古力口味，中間有滿滿的朱古力cream,又香又濃，仲有一些朱古力粒，多重口感，滋味絕頂。
抹茶紅豆布丁泡芙，抹茶跟紅豆一向都超夾，綿綿的紅豆粒配上了抹茶布丁，布丁超濃抹茶味，質感好正，一啖紅豆一啖抹茶，再配埋外皮脆脆的泡芙。這款口味我都相當之喜歡，好有特色，好好味。
下次路過又可以再買其他口味試下。
