四川美味 (已結業)

其實我本人真係唔食得辣，但係食過一次依個涼皮真係返唔到轉頭。🥺本身涼皮配料已經非常之多，所以其實細食嘅朋友仔都可以選擇唔加餸。🤣由於唔想40幾蚊食一碗涼皮，所以我平時都只會叫海帶絲，$25加$5都只係$30😋辣度方面我選擇BB辣，因為自己唔食得辣，但係又鍾意食酸野，所以我會叫姐姐幫我落三匙羹嘅酸汁。姐姐們嘅態度都非常之好🤩你話加幾多就幾多！多芫荽又得！如果過嚟葵涌廣場掃街唔知食咩好，或者你又好鍾意食辣，我都極力推介呢一間鋪頭俾大家🤪🤪🤪不過平時都會大排長龍，最好就係下午茶或者平日嘅夜晚過嚟啦！