Tamarind

營業中

休息中

泰式牛肉船麵$88前面揀咗泰式河粉，棉質偏腍同埋柔軟。煮完之後好適合當湯麵食。暖淋淋咁樣面同面中間黐埋咗好多湯汁，每一啖都好滿足。面嘅湯底好濃牛肉味，並且食落去嘅浠結度同其他湯麵比較起嚟再結少少。配料方便有牛肉丸同埋牛肉片，係鍾意食牛人士嘅首選。泰式虎蝦金邊粉$88 金邊粉酸酸地同埋加咗好多泰式香料入去例如芽菜、大蔥、韭菜等等。如果想口感再豐富啲可以加埋伴碟嘅花生一齊食。鍾意食辣就可以加埋餐廳放喺店旁邊嘅泰式辣椒碎一齊食。虎蝦好大隻，並且食得出炒金邊粉之前加咗蝦米乾去爆香咗先，所以邊粉好有鑊氣之餘仲有海鮮嘅味道。沙嗲雞串燒$48 足足有三串雞串咁多，而且每一次份量都好大。放喺隔離嘅沙嗲醬非常惹味，接近咖喱嘅味道，點為咖喱醬可以令到串燒更加濕潤。泰式龍眼水（跟餐加$8 ）你食泰國嘢點可以唔飲龍眼水㗎？大大杯凍嘅龍眼水食完鑊氣炒麵之後再加一啖降溫。