更多
2022-09-30
648 瀏覽
每年冬天,總會走去食羊腩煲!依家嘅香港已經變哂,其中一個變改就係餐廳,以前果D唔好講住,有D上個月仲係到營業緊,下個月已經執粒收檔,或者轉手.所以好嘅餐廳要珍惜,天知道D餐廳老闆會唔會轉頭就移民,或者頂唔住,從此美食消失於香港.....女友小熊早兩日經過柴灣泉記,見到入口處掛咗個牌,大大隻字寫住羊腩煲上巿!係就係早咗D,不過依家香港..... 唉...... 及時行樂吧!去到泉記,以前門口粉麵檔嘅舗位已經變成岱民兩餸飯,岱民都係一間平靚正嘅好店舗,支持!再行入去到泉記舗位,可能時間尚早,無咩客人.先點一個細羊腩煲,睇睇有幾多份量先,再決定另外加咩餸菜.回帶返去6年前,第一次食泉記羊腩煲,驚為天人,極多羊骨髓同軟骨,D軟骨係起哂沙,每件羊腩 size 唔會太大件易入口,羊腩又冧,湯底香濃,一食難忘!哩6年嚟每年冬天都嚟食羊腩煲,都搵唔返當年嘅味道,可能已經轉咗師傅,但我仍然每年都山長水遠入嚟食羊腩煲,總希望搵得翻當年嘅回憶.泉記嘅羊腩煲係雙竹,配上支竹同竹筍,其中小熊話老薑好好味,入味唔辣又無渣.羊腩 size 細細件易入口,羊肉鬆軟又無羶味,湯底依然香濃.食均成煲,只得一件!係一件軟骨
依家嘅香港已經變哂,其中一個變改就係餐廳,以前果D唔好講住,有D上個月仲係到營業緊,下個月已經執粒收檔,或者轉手.
所以好嘅餐廳要珍惜,天知道D餐廳老闆會唔會轉頭就移民,或者頂唔住,從此美食消失於香港.....
女友小熊早兩日經過柴灣泉記,見到入口處掛咗個牌,大大隻字寫住羊腩煲上巿!
係就係早咗D,不過依家香港..... 唉...... 及時行樂吧!
去到泉記,以前門口粉麵檔嘅舗位已經變成岱民兩餸飯,岱民都係一間平靚正嘅好店舗,支持!
再行入去到泉記舗位,可能時間尚早,無咩客人.
先點一個細羊腩煲,睇睇有幾多份量先,再決定另外加咩餸菜.
回帶返去6年前,第一次食泉記羊腩煲,驚為天人,極多羊骨髓同軟骨,D軟骨係起哂沙,每件羊腩 size 唔會太大件易入口,羊腩又冧,湯底香濃,一食難忘!哩6年嚟每年冬天都嚟食羊腩煲,都搵唔返當年嘅味道,可能已經轉咗師傅,但我仍然每年都山長水遠入嚟食羊腩煲,總希望搵得翻當年嘅回憶.
泉記嘅羊腩煲係雙竹,配上支竹同竹筍,其中小熊話老薑好好味,入味唔辣又無渣.
羊腩 size 細細件易入口,羊肉鬆軟又無羶味,湯底依然香濃.
食均成煲,只得一件!係一件軟骨,口感有起沙感覺!今次只尋回一點點嘅回覆!邊夠喉呀! 嗚嗚......
見到隔離枱點酥炸魷魚鬚,我地又叫一份,炸槳夠酥脆,魷魚鬚彈牙,只係炸槳辣咗D,但小熊話一D都唔辣,費鬼事理佢!
一年後再返嚟食羊腩煲,再見 (^0^)///
雙冬羊腩煲
41 瀏覽
1 讚好
0 留言
酥炸魷魚鬚
34 瀏覽
1 讚好
0 留言
張貼