東京チカラめし (已結業)

東京チカラめし：我每次去日本旅行的宵夜之選。好掛住日本呀！知道旺角開左呢間日本過江龍，就心動不如行動，估唔到都幾受歡迎，堂食要有排隊的準備。餐牌簡單2版就是了，主要都係食燒牛肉/豚肉丼，價錢最平$40就有咖哩飯，簡直是便宜的美味。燒豚肉丼配溫泉蛋（大）（$65）燒豚肉味道都幾惹味，如果想食濃味啲就可以加檯面上的醬汁，辛味醬。溫泉蛋撈飯絕對冇得輸。餃子（$15）唔算好熱，但價錢真的平，抵食。唐揚炸雞（$15）同樣地抵食，又夠飽肚。