來多碗車仔麵 (康寧道)

營業中

休息中

又嚟到觀塘啦，第一時間梗係要去食返碗車仔麵啦。啱啱好過咗食飯時間，如果唔係就有好多人食㗎啦，起碼等半個鐘。今次嗌咗米線，4樣餸，就係牛肚(爽口彈牙)，豬腩肉(油而不膩)，豬皮(爽口咇汁)同大腸(油光水滑)，每一樣滷水嘢食都滷到好入味，而且食材都好乾淨衛生，湯底帶點甜味，清清哋都唔錯，難得嘅係加咗佢哋嘅魔鬼辣醬，一啲都唔遜色，依然仲係咁辣咁㘃味，好彩都係畢咗半羹，如果唔係就over啦，呢個辣醬真係成碗車仔麵嘅靈魂。好多次就係因為佢嗰辣而來，正！