雅閣 (已結業)

今日中午我們去咗何文田窩打老道嘅「雅閣」食中午飯！我們叫咗幾個午市套餐：蒜香煙肉海蜆炒天使麵用咗蒜嚟炒，味道相當惹味，天使麵嘅麵質相當煙韌彈牙，煙肉好芳香，海蜆都幾鮮味，而且份量非常多！香煎𩶘魚扒配野菌忌廉汁飯嘅𩶘魚好大件厚身，肉質好結實彈牙，而且有兩件咁多，真係幾抵食！煎焗鷄扒配蒜蓉汁扁意粉嘅鷄扒超大塊，肉質相當鬆軟嫩滑，扁意粉嘅麵質好煙煙韌韌！是日沙律嘅沙律菜好清甜新鮮！餐湯：南瓜忌廉湯平日食開嘅南瓜濃湯真係有極之大嘅分別，一整碗都係香甜嘅南瓜蓉再加啲啲忌廉喺面，但呢度嘅啱啱相反，係一整碗都係忌廉湯再加啲啲南瓜蓉，份量少到唔多覺有南瓜蓉，連南瓜味都唔係好覺得有，真係令我們覺得好失望！雜菜湯嘅味道都幾濃郁！