牛之鍋

營業中

休息中

今日同男朋友嚟到銅鑼灣呢間放題我哋見佢價錢都幾平 又有火鍋又有刺身壽司又有甜品本身都冇乜期望但係點知發覺佢所有嘢都幾好食唔會好似平時啲放題鋪 求其拎啲嘢俾你食首先我要讚下佢嘅麻辣湯底 佢絕對唔係平時就咁調啲辣椒落去嗰啲湯底係有個麻辣牛油湯包所以其實我入到呢間舖頭嘅時候已經聞到好大浸麻辣香味之後佢嘅牛肉質素我都覺得幾唔錯 唔會好多根而且厚薄度適中 之後我哋都係叫下刺身串燒炸物呢啲質素都唔錯但我想講個重點係佢啲甜品係超級好食有窩夫 唔會硬繃繃又有牛油香味佢個珍珠伯爵茶奶凍真係估佢唔到軟硬度適中 個奶凍充滿着伯爵茶香味