𝐏𝐨𝐩𝐢𝐧𝐣𝐚𝐲𝐬 at The Murray 🦪
位於中環美利酒店既意大利餐廳
最近會係每月最後一個星期五推出全新限定 - Night Brunch 夜間早午餐菜單 可以無限量任食優質精緻
意大利菜餚 - 包括海鮮拼盤、牛扒等等🍽️
並附帶兩小時免費無限暢飲 Ruinart 香檳、烈酒等🥂🥳
除此之外一邊欣賞中環夜景 一邊享受現場DJ表演 🌃
想講當晚既女小提琴手 好堅 全晚都唔洗睇譜 一邊拉琴
一邊有同食客互動 氣氛勁好 重點係 呢個套餐仲會包埋
迎賓豪華魚子醬黎提升整個用餐體驗 性價比都好高✨
1
價格方面其實係因應Night Brunch 所配搭既各項暢飲套餐而唔同:
+ “Sobered Up” 無限量軟性飲料($888 /pp)
+無限量 Ruinart 'R de Ruinart' 香檳及自釀烈酒
🌟包括迎賓魚子醬體驗($1288/pp)🌟
+ “Take Me Higher” 無限量 Ruinart Blanc de Blancs 香檳及自釀烈酒🌟包括迎賓魚子醬體驗 ($2888/pp)🌟
🦪海鮮拼盤
呢個係最為吸引 想食到回本就靠呢度🌊
所有海鮮都好新鮮 而且賣相相當吸睛
包括超高質肥美爽口既生蠔+ 大大隻海螯蝦（勁鮮甜！）
+厚肉既帶子+油脂滿滿既油甘魚+吞拿魚他他
+香草醃三文魚+爽口彈牙既八爪魚+ 美利魚子醬
真心覺得呢堆咁高質既海鮮可以任食 真係大癲
前菜
+ 慢煮小牛肉配吞拿魚醬
+ 水牛乳芝士配蕃茄
+ 生牛肉他他
🍝意粉
+ 巴馬臣芝士巨輪黑松露通心粉
會係席前將意粉倒入巴馬臣芝士巨輪攪拌
黑松露香氣四溢 呢個好好味❤️
+ 藍鰭吞拿魚短管意粉
配橄欖 酸豆 羅勒同檸檬 食落微酸
但都幾香口 同埋短管意粉口感煙韌
🥩主菜
+ 安格斯西冷扒配薯蓉及碳燒沙律菜
肉質煮得細膩粉嫩 牛味濃郁
+ 碳燒羊架配茄子及綠莎莎醬
有驚喜💯 - 經過炭火燒香既新鮮羊架
散發出濃郁嘅焦香味 而且外皮酥脆內裡嫩滑鬆化
再配上綠莎莎醬 將羊肉大大濃汁提升 完全冇羶味
+ 烤鱸魚配巴士拉醬及羅馬西蘭花
鱸魚烤得外皮香脆 肉質依然嫰滑
甜品拼盤
成晚既份量都好大份 其實食一轉已經好飽
就連甜品都好豐盛 完全係飲飽食醉🥰
