杏甜品 (香檳大廈) (已結業)

自從上一次食完杏仁茶同龍眼冰之後就一直念念不忘, 而且仲已經榮升小妹心目中嘅No.1😍, 今日又心思思想去食龍眼冰, 於是係附近食飽飽就過去食糖水! 咁岩推出左新嘅冬日燕窩系列, 小妹緊係要試下啦!🌟稀有糖燉燕窩稀有糖由天然澱粉提煉, 味道同平時食嘅糖差唔多但低卡! 上枱時燕窩糖水同燕窩分開上, 燕窩採用人手挑選嘅燕盞, 食到一絲絲, q彈中帶點獨特軟度, 味道清甜滋潤 🌟龍眼豆腐花既然一場嚟到又點可能唔食龍眼冰! E款龍眼豆腐花都係上次小妹想食嘅其中一樣嚟, 今次嘅龍眼冰味道一樣咁正, 龍眼味依舊濃郁清甜, 旁邊嘅豆腐花香滑富豆香, 岩哂又想食龍眼冰又想食豆腐花嘅朋友仔!