Burger Mate

最近發現尖沙咀有間新開嘅手工漢堡店一試真係有驚喜！😋

老闆係外籍人士，不過講普通話同廣東話都好流利，點餐完全冇難度。最欣賞佢哋對食材嘅堅持——麵包每日新鮮搓、牛肉餅每日手打、黑松露醬仲係從意大利入貨🇮🇹，真係誠意十足。

安格斯牛肉漢堡煎得啱啱好，肉汁非常豐富，每一啖都充滿牛香。加埋瑞士芝士之後奶香更突出，口感好滑。炸洋蔥圈都幾出色，外層香脆唔油膩👍，成個組合食落去邪惡但好滿足～

店舖面積唔大，大概只有十四個座位，位置偏緊湊，每日供應有限，建議早啲去。