八珍鮮 (已結業)

每個星期我都要嚟八珍鮮食下正宗嘅川菜，今日我揀咗水煮魚同涼拌木耳。因為減肥嘅關係我只能夠食一啲高蛋白質嘅肉同埋要食蔬菜，蔬菜就係最好就能夠潤腸排毒，咁我就揀木耳。點解今日我會揀水煮魚呢？因為我睇錯餐牌。平時我都會食水煮牛肉，但係魚我就多數食酸菜魚嘅。但今日個人可能唔係好精神，所以就揀錯咗菜。水煮魚其實都唔係好辣，不過佢嘅油香，辣椒嘅香就好吸引。最重要係主角-魚片冇骨又夠滑，啖啖肉，配埋佢嘅軟糯嘅東北大米，真係食到唔停口。涼拌木耳喺呢個時候食就會突顯到個涼拌嘅甜，係醋嘅甜味。係咪好得意呢我都係第一次食到呢個感覺，下次要再試真啲先！