金寶泰國菜館 (已搬遷) 新店位置

母親節的晚飯, 係同男朋友同我媽媽食, 地點係九龍城金寶泰國菜館等位就必然了, 母親節... 一百個人在門口等, 有人鼓譟, 但大家都明白, 所以都沒有不愉快的事, 等了三十分鐘, 有得食, 大抵因為五間舖, 枱多唔使等咁耐啦因為得三個人, 所以叫了不多, 計有冬蔭功, 炒通菜, 蝦膏炒飯, 同埋蒸粉包, 仲叫左一杯龍眼冰飲!冬蔭功味道可說是我吃了咁多間之中最好味的一間, 湯入面有兩隻大頭蝦, 可能蝦頭有膏, 一路滾一路飲, 覺得越嚟越重蝦味, 而且煲湯夠酸, 夠辣, 好夠味! 蝦膏炒飯料就有好多, 有肉鬆, 雞蛋, 立腸, 但係雖然多料, 覺得溫度唔係好夠熱, 有炒定先之後有單畢出嚟的嫌疑蒸粉包我大力推介食家們一定要試, 粉包入面的餡做得好出色, 有豬肉碎, 雲耳等, 但不知用了什麼方法調味, 味道幾好, 不過最欣賞其實係個皮, 做得很薄, 加上個魚露實在十分美味, 所以如果去金寶, 唔食呢味真係好可惜!炒通菜一般啦, 我覺得比較多油! 最後要提係杯龍眼冰, 超大杯, 仲好好飲!雖然叫的餸唔多, 但係媽媽食得好開心!