BBQ Military (已結業)

母親節滿心歡喜想帶母親慶祝，而佢又喜歡食韓國菜，所以我深夜在openrice搵左好耐，見到呢間之前都hit既韓燒，仲有得網上訂位，所以捻住book黎試下啦。咦...有得book 5點...早d食完食個甜品都唔會太晏，正！即book！...點知...今日5點鬆d去到，一家人開開心心捻住大快朵頤，但係一去到就見到唔對路。店員自己仲食緊野，一副落場樣子。我同店員講我book左5點，佢竟然話：噢係呀？可能openrice果邊未更新。我地開6點wo！幫你唔到wo！我話：其實網上booking果度有我電話，點解你地唔聯絡返我？佢只係keep住話無更新...最後我地唯有去第度...母親節咁重要既節日撲個空，心情本來已經唔好。店員好唔helpful既態度就令我更加無奈... 另外，你比得人網上book就應該好好管理啦...好彩今次我地仲搵到其他餐廳，如果繁忙時間你話無留位比網上booking，咁你話會帶黎幾多不便？一句無更新就可以卸下所以責任嗎？