因為有孕婦，好多野都唔食得，但今次揀咗圓方嘅天天海南雞飯，大家都好滿意！ 口淡淡嘅孕婦都食左一碗飯 👍🏻
我哋四個人，今晚叫左三個餸！確實菜名唔記得，大概係燒雞，黑椒花膠同鴛鴦菜！
《 燒雞 》唔鞋！脆皮！覺得好唔錯！覺得比之前食嘅海南雞仲好食（之前喺同店食過海南雞）
《黑椒花膠》 百幾蚊一個餸，花膠數量都好好多！性價比高！黑椒味濃！喜歡黑椒嘅朋友可以一試！
《鴛鴦菜花》 我哋揀咗小辣！惹味香口好送飯！
我哋今日揀咗油飯，，其實最後我哋叫咗一大一小油飯，大油飯分到四碗，小油飯其實都分到三碗！味道幾好，香而不油！大家可以一試！
