影片
更多
2007-05-12
30 瀏覽
從未試過High Tea，一心諗住同阿媽搵間酒店食Tea buffet，但睇到的食評好壞參半，不如搵間穩陣的既地方，食個tea set好過。訓到飽飽，由長洲坐船黎呢度食我既早餐，阿媽既下午茶餐。叫左一個二人用的tea set，190/二位用，包茶或咖啡。共有十九件點心，有中式、越式、西式及一件日式的三文魚卷。另外叫左一個約$150既燒羊扒沙律。點心有：兩件鮑魚魚翅燒賣，的燒賣鹹左少少；兩件紅豆酥，的酥皮好正；兩件越式春卷，阿媽好鐘意；一件三文卷，阿媽話好好味；一件普通既吞拿魚卷；一件番茄吞拿魚，冇乜特別；兩件芝士火腿小點心，我好鐘意，的芝士加埋配料，又有口感又香，仲要整得好靚既花型，睇到到開心；一件半透明，裏面係的酸酸地既醃物，幾開胃；兩件英式鬆餅，食左咁多，仲要食佢，真係有的溜；一件黑朱古力蛋樣，賣相幾靚，味道一般；一件朱古力pudding，好香朱古力味，超正；一件綠茶pudding，幾香wor；兩件果tart，好靚，好香口。羊扒要八成熟，唔羶又嫩口，真係好味，但係份量太少。沙律既菜好鮮，牛油味好正，用料好好，加埋的沙律黑醋，結果全碟食清光。服務好，食物好，環境好，阿媽又食得開心，價
訓到飽飽，由長洲坐船黎呢度食我既早餐，阿媽既下午茶餐。
叫左一個二人用的tea set，190/二位用，包茶或咖啡。
共有十九件點心，有中式、越式、西式及一件日式的三文魚卷。
另外叫左一個約$150既燒羊扒沙律。
點心有：
兩件鮑魚魚翅燒賣，的燒賣鹹左少少；
兩件紅豆酥，的酥皮好正；
兩件越式春卷，阿媽好鐘意；
一件三文卷，阿媽話好好味；
一件普通既吞拿魚卷；
一件番茄吞拿魚，冇乜特別；
兩件芝士火腿小點心，我好鐘意，的芝士加埋配料，又有口感又香，仲要整得好靚既花型，睇到到開心；
一件半透明，裏面係的酸酸地既醃物，幾開胃；
兩件英式鬆餅，食左咁多，仲要食佢，真係有的溜；
一件黑朱古力蛋樣，賣相幾靚，味道一般；
一件朱古力pudding，好香朱古力味，超正；
一件綠茶pudding，幾香wor；
兩件果tart，好靚，好香口。
羊扒要八成熟，唔羶又嫩口，真係好味，但係份量太少。沙律既菜好鮮，牛油味好正，用料好好，加埋的沙律黑醋，結果全碟食清光。
服務好，食物好，環境好，阿媽又食得開心，價錢貴左的，但咩都抵返。
張貼