殿 大喜屋

營業中

休息中

最近去咗呢間尖沙咀日式放題店，特別鐘意佢哋嘅瑰麗殿堂式裝修，華麗有氣派，地方又大又舒適，自助區飲品同甜品多到眼花，連紅酒🍷、梅酒、清酒🍶啤酒🍻都任你飲，甜品種類超多，甜品🍨控一定超開心!!!今期有好多新菜式😋一定要試新品波士頓龍蝦，肉質彈牙又鮮甜，冰鎮鮑魚刺身都好滑溜，冰凍咬落超清爽。必食金槍魚腩同鱘魚子醬放題好少見😍。蒜蓉粉絲蒸蟶子王大大隻，蒜香勁入味，粉絲吸晒海鮮精華超正🤩。仲有新鮮蟹做嘅古法鹽焗蟹同避風塘炒蟹，蟹肉又鮮味又多汁，避風塘惹味到停唔到口。新鮮大頭蝦就用咗泰式麻辣奶油同油鹽焗手法，辣得過癮又唔會太膩。不得不試仲有日本海膽做嘅海膽軍艦，入口即溶，濃郁鮮味滿分。最後記得食埋燒榴槤，外面燒到焦香，入面軟滑香甜，完全無得輸！