殿 大喜屋

營業中

休息中

呢間放題同其他放題差唔多都係有唔同嘅嘢飲提供自助，我就最中意飲忌廉溝鮮奶，貪佢甜甜地幾開胃。落單app見到有和牛薄燒，覺得幾特別，就叫咗一客，原來一客都有4，5塊，岩晒一班朋友一人試一塊，唔洗爭。薄薄地嘅和牛一啖就放晒入口，唔會特別煙un，好易就吞到，仲可以配以特別醫汁食用。第一round我地都唔敢叫太多，驚食唔晒浪費食物，就少少地叫咁咗幾隻甜蝦，幾塊三文魚，拖羅同帶子。甜蝦好有鮮味，甜甜地，食得出係新鮮嘅！三文魚同拖羅都好肥美，肥而不膩，特別係三文魚唔會有肥膏，非常掂！帶子細細粒好爽口，一人食幾粒都不為過！呢個花膠鮑魚粉絲非常好！鮑魚有意想唔到嘅鮮味又唔太腥，花膠仲要有三大舊，十分足料👍🏻點咗四客唔同嘅壽司，分別係燒三文魚腩、帝王蟹柳，燒鰻魚同芝士炸蝦卷。四件各有特色，最突出都係帝王蟹柳，好甜美，上面仲鋪咗層薄薄嘅芝士，非常夾！