11:30去到. 剛剛好可以叫午餐. 叫左3個飯, 大概等左10分鐘就有得拎. 太好了. 唔駛等到沒完沒了! 嘿嘿! 叫左1客豬軟骨飯, 1客豬排拼咸魚煎肉餅飯, 仲有1客煎蓮藕餅飯, 客飯仲跟埋一碗例湯. 都係HKD50 一客, 真係唔算貴啊!
豬軟骨炆得夠淋身, 而且有成4-5舊, 相當抵食! 不過我最歡喜既都係 ~ 蓮藕餅, 有2大塊, 一咬開, 有啖啖蓮藕絲, 煎得夠香口, 好好食! 而咸魚肉餅真係相當有風味, 夠咸香, 啖啖肉, 不過豬排就略為薄身左一D, 可能因為經過人手DUP鬆醃製. 如果可以厚D就更好!
希望遲下有機會試下堂食啦!
