新泰東南亞餐廳 (已結業)

平時我都好鍾意食泰國嘢呢間位於灣仔w square嘅泰國菜平時搭車經過就見得多，原來呢間餐廳已經有20幾年歷史，朋友專程帶我嚟食。-呢度地方好大，座位同座位之間唔會太迫，所以鋪頭入邊都唔會好嘈。-青咖喱雞肉我哋專登叫咗個白飯黎食咖喱，青咖喱汁好香口，用嚟撈飯一流。-豬牛雞串燒食串燒最緊要就係個沙嗲醬，呢度嘅沙嗲醬好重花生醬味，好啱我口味。-奶油大蝦一碟入邊有四隻，大蝦啖啖肉，肉質爽甜。-馬拉盞通菜-飲品方面，叫左椰青同埋青檸梳打，個椰青好甜可以刮啲肉出嚟食清熱氣。-黎呢度就可以食到正宗泰國菜，仲有咁好嘅環境，食泰國菜唔一定要去到九龍城嘅！