祥興咖啡室

營業中

休息中

素聞祥興伙記態度欠佳，諗住俾次機會佢地，與家人去食早餐，引証一下事實。我們自行找了座位，坐了一會，即使禮貌揮手繼而友善揚聲，侍應們擺出嘅態度就係佢哋好忙，見唔到亦聽唔到。就係此際，藝人鄭丹瑞獨自入了祥興，不用出一粒聲，幾個侍應立刻簇擁上前招呼佢，為佢安排座位。剛剛其中一個十分冷冰冰兼黑面的侍應，立時露出笑容，呼藝人為「旦哥」，並問他要什麼食物，而藝人鄭先生的食物亦立時送到。當時全場食客見到這個情況，都睇在眼內，很多食客都是有修養，大家只是無奈互望，冷笑作罷，箇中感受難以用筆墨去形容。藝人和我們這些平民食客都係比相同嘅金錢，何以服務有這樣大的差別？至於食物方面，菠蘿包尚算不錯，然而奶茶的質素卻十分一般，跑馬地連鎖咖啡店再行上小小的茶餐廳，那裏的奶茶好味專業得多。我們剛剛開始進食早餐，就見到鄭丹瑞埋單了，可憐很多食客比藝人鄭先生早入來的，早餐仍未有着落。