LOG-ON Café (已結業)

最近養成左放工後晚飯前要食多一餐嘅習慣（大獲）行過log on cafe二話不說衝去cashier放低銀兩。由於隔多個鐘就食晚飯，所以都係主打“輕食”，喺抹茶蛋卷、抹茶蛋糕同抹茶芝士蛋糕中作出最大嘅掙扎，最後我揀左最肥嘅抹茶芝士蛋糕！原來加八蚊就有奶茶咖啡，都幾好，算叫做有餐。等左一陣侍應上左抹茶芝士蛋糕，真係不得了！一隻黑色既日式碟上有一件好深綠色既蛋糕，望落感覺好足料！（其實我後來拎起隻碟原來好輕，唔係瓷碟，即刻覺得innovative既產品真係log on既強項）抹茶芝士蛋糕隔離有pat肥cream！係勁肥，勁creamy，勁重奶油味嘅肥cream！！！嗚呀！！！完全令我工作嘅不快全消！我最鐘意食厚實嘅cream，而且奶油味濃到我食抹茶芝士蛋糕都變左冇咁重茶味～呢啲真係好正宗日式西餐廳果啲cream，味較濃，令我好懷念遊日嘅時光！抹茶芝士蛋糕不會太實，唔係太重芝士味，唔會搶左抹茶嘅香濃甘味，細細件，好快俾我食哂。下次我會試埋個蛋卷！