影片
更多
2005-03-30
6 瀏覽
當我24號係互聯網上睇到有人講呢間店之後,我即刻諗返起我去日本個陣時成日去食個間100yen烏冬店....之後我25號晚即刻同女友去試下~~!!去到之後,原來係要排隊...之後好快已經有位坐(個格局係好似坐係回轉壽司枱咁,而個侍應就係入面落order/執碗筷..不過坐得過都幾迫)....之後枱面有d冰水比你自己倒黎飲..全部係以自助形式...我同女友叫左五樣野食:1.)牛肉飯定食($30)~牛肉飯+麵豉湯+咸菜,個咸菜應該係蘿蔔黎既,好好味...正...個湯就普普通通...個牛肉飯就真係...用o.k.形容啦...唔可以話差,又唔見得好好...不過我覺得"吉野家"好食個佢多多聲囉...2.)吉列牛肉薯餅($7)~我女友第一次食呢d野,佢話好好食..不過我就覺得好難食..同我係日本食個d差好遠好遠...係d薯蓉同牛肉都同日本個d完全唔同..我個陣時係日本晚晚都要食過佢先至開心..真係好正呀~~!!不過宜家...唉....3.)鰻魚飯套餐($35)~鰻魚飯+迷你湯烏冬+咸菜,女友話d鰻魚好正...燒得好岩..好好味..不過d飯就差左d..唔似係日本珍珠米咁..之後個迷你烏冬佢一食第一啖,佢
去到之後,原來係要排隊...之後好快已經有位坐(個格局係好似坐係回轉壽司枱咁,而個侍應就係入面落order/執碗筷..不過坐得過都幾迫)....之後枱面有d冰水比你自己倒黎飲..全部係以自助形式...
我同女友叫左五樣野食:
1.)牛肉飯定食($30)~牛肉飯+麵豉湯+咸菜,個咸菜應該係蘿蔔黎既,好好味...正...個湯就普普通通...個牛肉飯就真係...用o.k.形容啦...唔可以話差,又唔見得好好...不過我覺得"吉野家"好食個佢多多聲囉...
2.)吉列牛肉薯餅($7)~我女友第一次食呢d野,佢話好好食..不過我就覺得好難食..同我係日本食個d差好遠好遠...係d薯蓉同牛肉都同日本個d完全唔同..我個陣時係日本晚晚都要食過佢先至開心..真係好正呀~~!!不過宜家...唉....
3.)鰻魚飯套餐($35)~鰻魚飯+迷你湯烏冬+咸菜,女友話d鰻魚好正...燒得好岩..好好味..不過d飯就差左d..唔似係日本珍珠米咁..之後個迷你烏冬佢一食第一啖,佢已經即刻話超正..佢個開心樣已經可以話比我聽佢好滿足...佢話未試過食咁好食既烏冬...雖然個烏冬得上湯,少少蔥同少少炸天婦羅出面個d炸左既麵粉做配料,但係已經非常之好味...出面無一間好食個佢...
4.)天婦羅鮮菇($5)~用一隻好肥大既鮮菇加d天婦羅麵粉炸..好普通...我仲覺得好唔抵...$5先至得一隻..我仲以為有兩至三隻..
5.)普通湯烏冬($10)~女友食左個迷你,無理由我唔食返個呀~~!!而且我黎呢度就係為左試下佢個烏冬同我係日本食個陣時係唔係一樣咁好味..所以叫左個普通size既湯烏冬..嘩..我一食落去,正..完全一樣..同我係日本食個陣時一樣...好正..."無野好講,好食到爆晒廠~~!!"....各位如果去呢度食既話,一定要食佢地既烏冬...
總括黎講佢d野好都好好食,價錢又抵...不過要食都係食佢地d烏冬好d,飯就...唉...不過如果有d朋友想試晒兩樣野,就食佢地個套餐,唔好食定食啦..雖然多$5同無左個湯,但係個烏冬一定可以令你覺得係值得既~~!!
(小弟31號晚會再去試過,到時再返黎報告一下有咩野新野先~~!!)
張貼