聚手工火鍋 (已結業)

打邊爐真係冇分季節，我一年四季都中意，不過冬天天氣凍就打得密少少咁解，慶幸一樣野就係熱氣呀、燥呀我都頂得順（笑），今次同堂妹就黎到聚手工火鍋。店內格局比較暗，坐得都算舒服，又冇趕客嘅感覺，最好當然係有卡位坐啦！不過2條女又食得幾多野吖，正所謂眼濶肚窄，叫得多食唔哂太浪費又節墮啊！首先選擇困難嘅我要揀湯底，平時唔多食魚，但有唔腥嘅魚湯我一定捧場（係要唔腥嘅）。番茄湯底正打左成二粒鐘都好濃味，牛肉同黑毛豬都係上等食材，手打丸好好食，烏冬有口感唔係cheap野，蔬菜價格好貴要成$85盤，正體來講好食環境舒服，不過有D貴成4百幾蚊1個人。