富臨漁港囍臨門 (已結業)

尋晚去食壽宴,已經第二次去食晚飯,依然KEEP得住。食左乳豬:正,夠大件,唔太肥、又唔太瘦。上湯龍蝦伊麵,睇落好似好細但係十二個人都夠食。龍蝦夠味,爽口。伊麵啲汁入哂味。西芹帶子象BUT蚌:只係帶子OKAY,夠大隻。海皇龍蝦魚翅:有啲腥,不過啲龍蝦好味。豆苗扒雙菇:啲豆苗太老,雙菇都OKAY。炸蟹拑:都唔知點解會有肥豬肉響入面。蒸東星:夠滑,唔腥。奉送紅豆沙同生果。重有糯米飯、炆伊麵。最特別係壽包:記得、記得食壽包....因為係超大個。係成隻去飲茶隻茶杯咁大。好好味,好滿足。