鬼金棒牛骨辣麻拉麵 (已結業)

今日經過尖沙咀見到鬼咁棒拉麵又開新分店啦！尖沙咀鋪面好大可以容納差唔多20台客，貫徹簡單裝修。今次新開嘅姊妹店，主打係招牌牛骨湯。湯底用咗牛骨來熬湯，食到食到濃濃的牛骨精粹高湯。我今日叫咗兩碗招牌牛肉拉麵。特上A4和牛辣麻牛骨拉麵（小辣，小麻）拉麵佈滿咗好濃嘅牛高湯香味，羊蔥，香蔥，秘製香料充滿了整碗麵嘅味道，當然最吸引係A4和牛肉，先用火槍輕輕火炙過表面，滿口油香，而且帶有焦香，同面混埋一齊，簡直係味蕾嘅衝擊。原來每一碗麵都有牛筋，炆到彈牙好食。每一碗麵係幼麵，口感細滑，都充分吸收咗湯的原味道。招牌牛骨拉麵（原味）招牌牛骨拉麵係店中嘅必食拉麵之一，牛肉湯味道清甜，而且充滿很厚的油香味道。拉麵配上兩大塊和牛，牛肉燒到半成熟。咬落去充滿咗牛肉嘅香味，滿口都是牛嘅油脂非常滿足。拉麵亦配上牛筋，粟米筍，配洋蔥和香蔥。都是使用幼身嘅麵條。煎餃（六隻）必點的小食當然係煎餃。煎餃內的豬肉好香，而且咬落係爆汁的。表面煎得好香再加上秘製的醬汁。齒頰留香。講真，我係鬼棒捧嘅粉絲團，每個月都會試一次。