小糖鈕 (已結業)

與友人聚舊，想選一間適合傾計嘅cafe,就諗起小糖鈕，食物味道不錯，又有靚靚甜品。脆米芝士䏾䏾雞好似條狀的麥樂雞，不過外層加了脆米和芝士，所以外層比較脆身，又有芝士香味。雞肉是免治雞肉，加入雞軟骨，有點爽脆口感。芝士豬肉餃子有6件，初時我哋以為餡料有芝士味，原來芝士是黏著餃子皮，芝士煎香後有咸香，與菜肉餃子餡料配搭不錯。卡邦尼意粉意粉口感煙韌，卡邦尼醬汁香濃，但不會太膩，配料亦有好多惹味煙肉和香磨菇，食到停唔到口。鰻魚炒飯分量算大碟，有好多鰻魚粒，鰻魚肥美，唔腥亦冇骨，炒飯粒粒乾身，有蛋香，配紫菜絲。柚輪小糖鈕有多款甜品，雖然我哋飽，但係點都要點返一個試下。呢個其實係蜜柚芭菲拿破輪，賣相非常精緻，我哋引唔住影左好多相，但係個雪糕都冇溶到，柚子味好清新，不會過甜，我哋食得飽再食佢都唔膩。拿破輪好鬆脆，不油膩，配雪糕食好夾。