Dirty Burger (已結業)

Dirty Burger 諗緊點解佢話自己污糟，去到原來係玩食字，中文叫~陀地漢堡~，nice。我地黎到已經差唔多夜晚8點，小小既漢堡店，兩名員工仲係度密密做漢堡🍔。👍雙層陀地手打牛肉🐃漢堡 ，好邪惡，兩層厚厚既牛肉，好香牛肉味，加上配料醬汁芝士，仲有呢度個包皮係烘過，脆卜卜，無得頂。我地呢個叫combo B，有小食有野食，我加左錢叫辣雞翼🐔同咖啡☕梳打。辣雞翼好酥脆，少少辣，再加辣醬，好過癮。第一次咖啡梳打，估唔到有另一番風味，咖啡香又有少少氣，好特別，我鐘意呀。叫多個咕嚕菠蘿炸雞🐔堡，厚身又嫩滑炸雞，再配上多汁既菠蘿同酸酸甜甜既咕嚕雞，超開胃。呢度既包裝盒同包裝袋都係錫紙保溫包裝，返到九龍，都仲係暖架。