新濤園茶餐廳 (已結業)

深宵時段旺角食肆仲有開嘅並唔多，呢間新濤園開到凌晨3點，適合夜鬼一族。新濤園最出名都係煲仔系列，極多花樣嘅煲仔飯煲仔面，有選擇困難症嘅人士慎去呢間店。我就叫左個煲仔牛腩面，等左一陣就到。原個煲仔連蓋直接送到你眼前。我個人驚熱就好弱咁叫姐姐幫我開，大家可以試下自己開唔開到個蓋。面質方面好彈牙，吸引左清湯嘅味道。牛腩牛味濃郁，相當軟稔，再帶少少油花，一咬落去裏面充滿牛汁。牛筋一咬就斷開，完全不費咬力。入到口口感彈牙，好似食緊骨膠原咁。亦相當之滑，一唔小心就會吞入口。簡單d黎講牛筋“軟”“Q”“滑”。