烤焗工房 (已搬遷) 新店位置

係葵廣三樓行街既時候見到好多人手上面都拎住一份西多士加薯條既嘢食，就忍唔住搵下究竟係嚟自邊度既呢。終於係Top世界行入一陣搵到佢嚟，原來呢度係有個新既立食區，有幾間唔同既新舖，包括有網上好多宣傳既炸雞舖。入到去都係見到呢一間Bake & Grill係最多人係門口等，而且仲有好多唔同既小食配搭，本身想叫西多士配其他嘢食，但覺得咸配甜實在太奇怪啦，結果就揀左個比較正路既薯條配雞翼，因為有薯條，佢都有唔同既醬料配搭，例如蜜糖芥末醬，沙律醬等，我地就簡左個千島醬。食落去雞翼同薯條都好熱，新鮮炸落，正正常常都大路，不過可能因為呢個唔係主打菜，所以就無咩特別。