一虎

營業中

休息中

抗疫疲勞，呢幾日開始好多人出街食嘢，廈門街仲有成班鬼佬除晒口罩響度飲酒，真自由奔放。諗唔到食乜嘢，食拉麵通常都唔會死錯人，行入去呢間舖頭，完全冇晒社交距離，唯一係兩人之間會有一塊板，除此之外同平時基本一樣，根據目測應該係犯規嘅。Anyway，野都係會照食㗎啦。一碗拉麵、兩件叉燒、一隻糖心蛋、少少木耳、豬骨湯走青... 點講呢... 正正常常、冇乜驚喜、冇乜驚嚇、冇乜性格，假如你冇希望亦都唔會有咩失望。總而言之就係一碗正常嘅日本拉麵，我又唔會話佢好食又唔會話佢唔好食，一般啦，不過咁一般就90幾蚊，我好懷念日本新宿橫街仔入邊三百幾円嗰碗拉麵...